"तिमी आउनुको प्रतीक्षा / सुवास खनाल" के अवतरणों में अंतर

दुर्घटना थिएन तिमी आउनु
निश्चित हो तिम्रो आगमन

तिमी आउनु ,आउनु जस्तो रहेन
कुनै नियोजित षडयन्त्रकारीले बन्देज गरेजस्तो तिम्रो बोली
कुनै पुरातन संस्कृतिले छोपेजस्तो तिम्रो अनुहार
वा नआउनु जस्तो यो आउनु

……निकै दिक्दार लाग्दो रह्यो

प्रतीक्षा रहुञ्जेल नै प्रिय रह्यो
तिमी आउनुको प्रतीक्षा

युगीन अनन्त अप्ठ्याराहरुमा
चढी बस्यौँ साहसको भर्‍याङ

जब तिमी आयौ
अस्थिपञ्जरविहीन प्रायोजित शारीरिक स्वरुप
बुख्याँचा अनुहार
अनावश्यक कस्मेटिक रुपाकृति

झुर रह्यो यो आगमन

तर यत्ति हो
तिमी आयौ

अब खोज्नु छ
उपस्थितिको मात्र पनि
रहन्छ कि कुनै महत्व ?