"दर्पण / विमल गुरुङ" के अवतरणों में अंतर

अथाह गहमा अबीर छर्केर
चट्टानको तटिनीमा नाच्दा नाच्दै
सहाराजि डिलमा लालीगुराँस रोपेर
निर्मल निर्मल् गंगाजल
रकेटबाट खसाउँदा खसाउँदै
आकृतिहिन मानब आकृतिहिन पञ्जामा
अभौतिक ग्रह,
नचाउनु/हुत्याउनु किन नपरोस्
म एउटा आवाज बोल्छु, ‘स्वतन्त्र!’
लँगुरबुर्जाको गोटी घोल्दै
एकछिनपछि पछारेर
त्यसका अनुहारमा आएका
परिबर्तनका प्रतिकहरु
उभिएको छु बगरमा सागरको
सबथोक ऐनामा देखिरहेको छु
काला हत्केला र काला प्रदेशका
चलचित्रका बर्गीय जीवहरु
अब्यक्त गहिराईको दहमा भास्सिएर
कैदी निस्कन असमर्थ भएको छु
संधै संधै सपनामा
काला जल्लाहदहरुले घोरिएको पाउँछु
म एउटा आवाज बोल्छु, ‘स्वतन्त्र!’
आस्था! आस्था! सिर्फ कोठामा सिमित
राम-धुनमा
अधिनायकत्व कायम गरेर बसेको छ कि?
कृष्ण बाँसुरीमा छ कि?
कता/कहाँ छ खोई?
मष्तिस्कमा कार्यतालिका छपक्क बिछ्याएर
राज-रसता स्पर्श गर्ने प्रबल आकाँक्षा
लुकाएर मृत्यु ट्याब्लेट
ग्रामिणीको भोजनमा
उन्मुक्त हावामा
रातो कपडाको टुक्रा फरफराउँदै
स्वतन्त्र !!! एउटा आवाज बोल्छु म ।