भारत की संस्कृति के लिए... भाषा की उन्नति के लिए... साहित्य के प्रसार के लिए
"सुण म्हारा इस्ट! (चार) / राजेन्द्र जोशी" के अवतरणों में अंतर
Kavita Kosh से
आशिष पुरोहित (चर्चा | योगदान) ('{{KKGlobal}} {{KKRachna |रचनाकार=राजेन्द्र जोशी |अनुवादक= |संग्रह=...' के साथ नया पृष्ठ बनाया) |
(कोई अंतर नहीं)
|
22:24, 24 जुलाई 2018 के समय का अवतरण
सुण म्हारा इस्ट!
जनकवि री सुण
उण रो संसार अणंत है
बो सोधै थनै
आपरी कविता मांय
कवि रो धरम है मिनखपणो
नीं जावै जोतसी कनै
नीं जावै मिंदर अर तीरथ।
जनकवि री कविता
मिनख रै मूंढै बोलै
कवि री कविता री भासा
मिनख रै दुख नै साम्हीं राखै
जठै ऊभो है थूं
थारी सगळी ठौड़
जठै थूं पसर्योड़ो है
पूग्योड़ो है जनकवि
आपरी कविता सारू।
उठै ईज सुण सकै
सुण अेकलो बैठ'र
कोई पंथ अर जात नीं है
राज रो संदेसो नीं है
नीं है थारी भगती
मिनख रो दुख है
इण कविता रै सबदां मांय
मिनख री जात है
जनकवि री कविता।