भारत की संस्कृति के लिए... भाषा की उन्नति के लिए... साहित्य के प्रसार के लिए
"जियरा म आवा थै घुंघुटवा उघारी / बोली बानी / जगदीश पीयूष" के अवतरणों में अंतर
Kavita Kosh से
('{{KKRachna |रचनाकार=जगदीश पीयूष |अनुवादक= |संग्रह=बोली बान...' के साथ नया पृष्ठ बनाया) |
(कोई अंतर नहीं)
|
08:43, 18 मार्च 2019 का अवतरण
जियरा म आवा थै घुंघुटवा उघारी
पनवा खवाई तोर गलवा निहारी
पिंजरा म सुगना फँसाव मैना
तनी जियरा कै अगिया बुताव मैना
तोहका बोलावा थै फुलान अरहरिया
पियरा कै खेतवा कोहान दुपहरिया
लाल लाल एडरी देखाव मैना
तनी जियरा...
लुका छिपी खेली चला नदिया किनारे
मछरी क मन भवा कटिया सहारे
अंगुरी से अंगुरी छुवाव मैना
तनी जियरा...
निंदिया न आवे मुला आवा थै सपनवा
पतरी कमरिया औ बड़रे नयनवा
अंजुरी से पनिया पियाव मैना
तनी जियरा
