भारत की संस्कृति के लिए... भाषा की उन्नति के लिए... साहित्य के प्रसार के लिए
"नाहीं ऊसर नाहीं मेड़ / बोली बानी / जगदीश पीयूष" के अवतरणों में अंतर
Kavita Kosh से
('{{KKRachna |रचनाकार=जगदीश पीयूष |अनुवादक= |संग्रह=बोली बान...' के साथ नया पृष्ठ बनाया) |
(कोई अंतर नहीं)
|
08:45, 18 मार्च 2019 के समय का अवतरण
नाहीं ऊसर नाहीं मेड़
नाहीं छेगड़ी नाहीं भेड़
जंगल नाहीं ना देखात दूर दूर सजना
चीन्हि लेवै माई बाप का जरूर सजना
लोटा डोरी नहन इनारा
दुगला उलचै बहै पनारा
नाहीं रहिया पुरान उड़ैं धूर सजना
चीन्हि लेवै माई बाप का जरूर सजना
नाहीं खपरैले कै बखरी
मिलैं गउना वाले जैसे मगरूर सजना
चीन्हि लेवै माई बाप का जरूर सजना
नैहर बीस बरसिया बाद
केसे लेई आशीर्वाद
हियां बदला बाटे सारे दस्तूर सजना
चीन्हि लेवै माई बाप का जरूर सजना