"म्हारौ देस / रेंवतदान चारण" के अवतरणों में अंतर
आशिष पुरोहित (चर्चा | योगदान) ('{{KKGlobal}} {{KKRachna |रचनाकार=रेंवतदान चारण |अनुवादक= |संग्रह=...' के साथ नया पृष्ठ बनाया) |
(कोई अंतर नहीं)
|
12:11, 8 मई 2019 के समय का अवतरण
भांत भांत री भासावां अर भांत भांत रा भेस
न्यारी न्यारी छटा समेट्यां मुळकै भारत देस
सिखरां में सिरमौड़ सबायौ स्रिस्टी बीच हेमाळौ
संचै निरमळ जळ नदियां रौ सीवां रौ रखवाळौ
रैवै जग में माथौ ऊंचौ देवै नित संदेस
भांत भांत री भासावां अर भांत भांत रा देस
न्यारी न्यारी छट समेट्यां मुळकै भारत देस
संकट आयां सांम्हीं छाती जूंझारां ज्यूं भिड़णौ
आगै बधणौ कदै न रूकणौ पाछौ कदे न मुड़णौ
खांधै सूं खांधौ चाल्यां सगळा कटै कळैस
भांत भांत री भासावां अर भांत भांत रा देस
न्यारी न्यारी छट समेट्यां मुळकै भारत देस
नुंवी बणत रा पगमंडणां सूं धरां सुंरगी राचै
चांरूमेर खुसी रा बाजा जणगण हरखै नाचै
खेतां में लहराती खेती फूलै फळै हमेस
भांत भांत री भासावां अर भांत भांत रा भेस
न्यारी न्यारी छटा समेट्यां मुळकै भारत देस