"मेरो इतिहासको कुरा / मनप्रसाद सुब्बा" के अवतरणों में अंतर

तिम्रा ढाँट कुराहरूको नङग्राले चिथोरेर
मेरो इतिहासको ढाड रगतपच्छे पारे तापनि
समयले उहिले नै
ट्याटू गरिराखेको शब्दहरू
ढाडमा जस्ताको त्यस्तै छन्।

तिम्रो खुट्टाले पाएको सेकेण्ड-ह्याण्ड बूटले
मेरो इतिहासको हत्केला थिचिराख्न खोजे पनि
हत्केलाभरि खोपिएका
ती धड्किँदा रेखाक्षरहरू
अलिकति पनि मेटिने होइनन्।

मेरो इतिहासको मुखभित्र जुन जिब्रो छ नि
त्यसको आकृति नै मेरो गाउँको मानचित्र हो
र त्यो जिब्रोले
जुनै भाषा बोले पनि
कुरा चैँ त्यसको कहिले बदलिने होइन।


                                     (१० अगस्ट २००८)