"घाउहरूको रङ्ग / सानु शर्मा" के अवतरणों में अंतर

सुनेथेँ
एकपटक चट्याङ खसेको ठाउँमा
अर्को पटक खस्तैन रे,
रङ्ग चाहे जति नै गाढा होस्
त्यो सदाका लागि जस्ताको तस्तै बस्तैन रे !

तर
मेरा रहरहरूको आँगनमा भने
किसिमकिसिमको चट्याङ
घरिघरि खसिरहन्छ
कति नै कोशिश गरे पनि रोकिन्न
यसलाई रोक्नका लागि
के यो सृष्टिमा साँच्चै कुनै उपाय भेटिन्न?

मान्यताहरूलाई गलत सावित गर्दै
मेरा घाउहरूको रङ्ग
झनझन गाढा भइरहन्छ
कति नै कोशिस गरे पनि मेटिन्न
यसलाई मेटाउनका लागि
के यो सृष्टिमा साँच्चै कुनै ब्लीच भेटिन्न ?
००००