"नाथ हो कोटिन दोष हमारो / लक्ष्मीनाथ परमहंस" के अवतरणों में अंतर

नाथ हो कोटिन दोष हमारो ।
कहाँ छिपाऊँ, छिपत ना तुमसे, रवि ससि नैन तिहारौ ।। टेक ।।
जल, थल, अनल, अकास, पवन मिलि, पाँचो है रखवारो ।
पल-पल होरि रहत निसी बासर तिहुँ पुर साँझ सकारो ।।
जागत, सोवत, उठत, बैठत करत फिरत व्यवहारो ।
रहत सदा संग, साथ न छोड़त, काल पुरुष बरियारो ।।
बाहर भीतर बैठि रह्यो है, घट-घट बोलनि हारो ।
दुख-सुख पाप-पुन्य के मालिक, निज जन जानि उबारो ।।
कहाँ लाज करि नारि नाह सों जो देखत तन सारो ।
'लक्ष्मीपति' के स्वामी केशव भव-नद पार उतारो ।।