"यद्यपि / सुदीप पाख्रिन" के अवतरणों में अंतर

तिम्रो
ब्रम्हाण्डभन्दा टाढा.......
सौर्यमण्डलभन्दा पनि धेरै टाढा........
म
कुनै
सुदुर,
अंधकार,
ढुसी परेको
र अस्तित्वविहीन निर्जन ग्रहमा
तिमीलाई नै सोचिरहेको छु ।
तिमी
अनि
मेरो बीच
यद्यपि कैयौ प्रकाश-बर्षहरुको राक्षस-दूरी छ ।
तरपनि
भावनाका उपग्रहहरुबाट
प्रक्षेपित भइरहेका अनुभूतीहरुले
कति नजीक...... नजीक...... नजीक ल्याइरहेको छ - हामीलाई ।
सत्ते !
कति नजीक छु - तिम्रो
यद्यपि
तिम्रो सिंगो ब्रम्हाण्ड भन्दा टाढा.......
सौर्यमण्डल भन्दा पनि धेरै टाढा.....
कैयौ प्रकाश-बर्षहरुको अन्तरालबाट
म आवाज दिइरहेको छु तिमीलाई

तिमी
र मेरो बीचमा
असंख्यौ ग्रहहरु, उपग्रहहरु
अनि ताराहरु उम्रिरहेका छन
मैले पन्छाउनै नसकिने गरी !
मैले हटाउनै नमिल्ने गरी !!
अहो !
मीरा !!
म
तिमीभन्दा शताब्दियौ पछिको मान्छे
तिम्रो न्रीत्युको तल्लीनताबाट
तिम्रो भजनका धूनहरुको सम्मोहनबाट
तिम्रो मधुर प्रेमका आसक्तिहरुबाट
अनि तिमीबाट कति टाढा छु - म
तिमीलाई दिइएका बिषका प्यालाहरु फुटाएर
मौन
अनि चूपचाप छु - म
तिमीलाई माया गर्ने - म !
तिमीलाई माया गर्ने - म !!