"काईं करूं / राजू सारसर ‘राज’" के अवतरणों में अंतर

दोन्यू हाथ जोड्यां
बैठ्यां हूं
थानां रै आगै
घणीं ताळ सूं
छाणां रा धूपियां
ऊपर होम रैयो हूं
देसी घी निखाळस
चढावो मेज्यो है
फूल-पतासा अर लाडू
देवता पण अजै ई
नीं बावड्या
लागै देवता रो
दोस है कोई
म्हारै माथै
कै टाबरां कर दिया
धूपियां नै एैंठा
चूल्है में फूंक देय’र
देवता रूसग्या
बां भोळा टाबरां रै
टाबरपणै नैं भूलतां
म्हूं कांई करूं......बताओ !