भारत की संस्कृति के लिए... भाषा की उन्नति के लिए... साहित्य के प्रसार के लिए
"थारै पछै (3) / वासु आचार्य" के अवतरणों में अंतर
Kavita Kosh से
आशिष पुरोहित (चर्चा | योगदान) ('{{KKGlobal}} {{KKRachna |रचनाकार=वासु आचार्य |संग्रह=सूको ताळ / वास...' के साथ नया पृष्ठ बनाया) |
(कोई अंतर नहीं)
|
16:27, 26 फ़रवरी 2015 के समय का अवतरण
जमींदौट हुयग्या
बै सिगळै पल
बै सिगळै छिन
जका फूला री
मैहक सागै पखैरूआं री
चैहक सागै
पेड़ा रै पत्ता मांय
गूंजता हा
जीवण रो संगीत बण
जाणै पून रो’ ई
गळौ मुसग्यौ
सूरज नीं रैयौ-सूरज
गुड़कतौ-गौता खावतौ रैयग्यौ
डौळ बायरो
माटी रो लौधौ
ठंडोटीप
तैजहीण
जमींदौट हुयग्यौ-
सौ की
तद‘ई तो
कोई मसाणी राख
औढयै आभै मांय
नीं दीखै-कोई चिड़कली
चूंच मांय तिणको लियौड़ी
पांखां मांय पून भरती
अर म्है
हर पल
हर छिन्न
हुवतो जाय रैयौ हूं
अेक भंभाड़ मारतौ कुवौ
अेक गै रौ सरणाटो
थारै पछै
था...रै पछै
