"नया समाज बनैबै / ब्रह्मदेव कुमार" के अवतरणों में अंतर

पढ़भै हो, पढ़भै हम्मेॅ साक्षरता अभियान में पढ़भै हो।

चललै साक्षरता अभियान, खुशी सेॅ झूमै हमरोॅ परान।
पढ़ी-लिखी केॅ साक्षर बनबै, मन के पूरतै अरमान।

क-ख-ग-घ पढ़भै हो भैया, एक-दू-तीन-चार लिखबै।
जोड़, घटाव, गुणा, भाग बनैबै, ज्ञानोॅ के दीया जलैबै।

पढ़ी-लिखी केॅ हम्में बनबै किसान, खूब उपजतै धान।
वैज्ञानिक ढंगोॅ सेॅ खेती करबै, पूरा होतै सब अरमान।

साफ-सफाई रखै लेॅ सीखबै, दुरगुन दूर भगैबै।
अत्याचार आरो भ्रष्टाचारोॅ केॅ, धरती सेॅ मिटैबै।

चलोॅ हो भैया, मैया-बहिन सब, पढ़ै-लिखै लेॅ सीखबै।
निरक्षरता के कलंक मिटैबै, नया समाज बनैबै,