"आकाशमा एक्लो तारा / ईश्वरवल्लभ" के अवतरणों में अंतर

आकाशमा एक्लो तारा कहिले कतै देख्ने गरे
मेरो माया सम्झिनु है !, कहिले काहीँ तिमीले पनि

तिमीलाई पनि सम्झूँला म, कतै एक्लै भए पनि
लेखिजाउँला एउटा गीत, कतै टाढा गए पनि
जिन्दगीका घाउहरू, कहिले कतै दुख्ने गरे
मेरो माया सम्झिनु है !, कहिले काहीँ तिमीले पनि

एउटा फूल राखूँला म, सबै फूल झरे पनि
उनिदिऊँला माला एउटा, जीवनसँगै गए पनि
निँदभित्र सपनाहरू, कहिले कतै आउने गरे
मेरो माया सम्झिनु है !, कहिले काहीँ तिमीले पनि