असमर्थ राजधानी शहर / तीर्थ श्रेष्ठ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

तीर्थ श्रेष्ठ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

घण्टाघर छ
समय बताउन असमर्थ
धरहरा छ
वरिपरिको दृश्य हेर्न असमर्थ
रानीपोखरी छ
आफैं नुहाउन असमर्थ
असमर्थताको यो लस्कर लामो छ
यस बीच
यौटा भव्य प्रासाद खडा छ
सिंहदरवार
जहाँबाट यस देशको प्रशासन चल्छ
त्यो पनि आफ्नो बाटो पहिल्याउन छ असमर्थ
बाग्मती छ
दुनियाँ चोख्याउँदै
आफैं चोखिन असमर्थ
मन्दिरहरू छन्
र त्यस भित्र देवताहरू छन्
आफैं जोगिन असमर्थ
सडकहरू छन्
तीब्रगामी बाहनहरू छन्
तर गन्तव्य पहिल्याउन असमर्थ
ओ राजधानी तिमी असमर्थताहरूको जञ्जालमा जेलिएका छौ
र देश तिमीबाट मुक्ति पाउन छ असमर्थ !