ढोकामा बत्ती कोठामा बत्ती / दिनेश अधिकारी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

दिनेश अधिकारी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

ढोकामा बत्ती, कोठामा बत्ती
शहरभरि झलल बत्ती
तैपनि आँखा उज्यालो छैन
सम्झन्छु खालि घरकै टुकी
के गर्दै होली मायालु मेरी
पिँढीमा बसी हेर्दै पो छ कि ?

छोडेर आएँ हातको मुट्ठी
खोजेर व्यर्थै पोल्टामा खुसी
रोएरै धोऊँ भने नि मन यो
सुनेर कोही हुँदैन दुःखी
एक्लै छु सधैँ भीडमै पनि
सुस्केरामात्रै छ ओठभरि
के गर्दै होली मायालु मेरी
नुनको ढिको पोल्दै पो छे कि ?

पानीले तिर्खा मेटिन्न मेरो
छातीले खोज्छ मायाको धारो
नमीठो लाग्छ मुछेको गाँस
पसेझैँ लाग्छ आँखामा छारो
उस्कै छ झल्को विपनाभरि
आँखामा निद्रा पर्दैन राति
के गर्दै होली मायालु मेरी
बिछ्यौना आधी छोडेकी छ कि ?