भारत की संस्कृति के लिए... भाषा की उन्नति के लिए... साहित्य के प्रसार के लिए
चलऽ देवघर नगरिया / उमेश बहादुरपुरी
Kavita Kosh से
सशुल्क योगदानकर्ता ४ (चर्चा | योगदान) द्वारा परिवर्तित 12:43, 13 मार्च 2019 का अवतरण
दिल्ली नीक लागे नञ् नीक लागे
नीक लागऽ हे नञ् कोलकत्ता शहरिया
चलऽ चलऽ हो पिया तनी चलऽ
चलऽ चलऽ तूँ देवघर नगरिया
भोजपुर नीक लागे नञ् जयपुर नीक लागे
नीक लागऽ हे नञ् मीना बजरिया
चलऽ चलऽ हो पिया तनी चलऽ
चलऽ चलऽ तू बाबा के शहरिया
लहँगा नीक लागे नञ् महँगा नीक लागे
नीक लागऽ हे नञ् कउनो चदरिया
चलऽ चलऽ हो पिया तनी चलऽ
चलऽ चलऽ तूँ बाबा के डगरिया
झुमका नीक लागे नञ् ठुमका नीक लागे
नीक लागऽ हे नञ् कउनो जेवरिया
चलऽ चलऽ हो पिया तनी चलऽ
चलऽ चलऽ तूँ बाँध के पगड़िया
चंपा नीक लागे नञ् चमेली नीक लागे
नीक लागऽ हे नञ् कउनो फुलवरिया
चलऽ चलऽ हो पिया तनी चलऽ
चलऽ चलऽ तूँ बनके काँवरिया
