भारत की संस्कृति के लिए... भाषा की उन्नति के लिए... साहित्य के प्रसार के लिए
देश के पहरूआ / उमेश बहादुरपुरी
Kavita Kosh से
सशुल्क योगदानकर्ता ४ (चर्चा | योगदान) द्वारा परिवर्तित 13:51, 13 मार्च 2019 का अवतरण
देश के पहरूआ खो देलकै ईमान, धेआन दीहा बाबाजी
हे तोहरे पर है हिंदुस्तान, धेआन दीहा बाबाजी
बन गेलै ई देश अब तो लूट के खजाना
हो रहलै हें घोटला अब एहाँ पर रोजाना
देश के पहरूआ हो गेलै बेइमान, धेआन दीहा बाबाजी
छल आउर कपट के चहूँओर हे बसेरा
हे हर-तरफ अँधरिया की अब हौतै नञ् सबेरा
देश के पहरूआ नञ् रहलै इनसान, धेआन दीहा बाबाजी
लूट रहल हें लाज आझ फिन से इहाँ सीता के
घट गेलै मूल्य अब रामायण अउर गीता के
देश के पहरूआ हो गेलै शैतान, धेआन दीहा बाबाजी
बस तोहीं ले सकऽ हऽ अब ओकरा से पंगा
ऊ बइमान सब कराबे हिंदु-मुस्लिम में दंगा
देश के पहरूआ खुद के बुझऽ हे सेआन, धेआन दीहा बाबाजी
रोबऽ हे ई धरती रोबऽ हे मइया भारती
देखऽ बइमान के उतारऽ हे सब आरती
देश के पहरूआ खुद के बुझऽ हे सुलतान, धेआन दीहा बाबाजी
