सद्भावना गीत / उमेश बहादुरपुरी

हम हिंदु बनबइ मुसलमान बनबई
सबसे पहिले सुघड़ इनसान बनबइ
अदमी-अदमी के मारे कइसन ई धरम?
हम सब कुछ करबइ न करबइ ई करम?
ई देशवा के हमहीं त शान बनबइ
सबसे ....
हम बीज नफरत के करबे करबइ खतम
सब कुछ मानबइ न मानबइ ई रसम?
हम आवेवाला कल के इम्तहान बनबइ
सबसे ....
दुनहुँ के देहिया के खूनमा हे लाल
छतिया में बतिया रहल इहे शाल
हम देशवा के धरम-ईमान बन
सबसे ....
एक्के माय-बाप के हम हिअइ संतान
एक्के हमर धरती एक्के असमान
हम आवेवाला कल के पहचान बनबइ
सबसे ....
तनि अँखिया से अँखिया मिलावऽ न भाई
आवऽ खइहऽ हिल-मिल प्यार के मिठाई
हम आनेवाला कल के हिंदुस्तान बनवइ
सबसे ....

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

सद्भावना गीत / उमेश बहादुरपुरी

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग