भारत की संस्कृति के लिए... भाषा की उन्नति के लिए... साहित्य के प्रसार के लिए
चंदावती / बोली बानी / जगदीश पीयूष
Kavita Kosh से
सशुल्क योगदानकर्ता ४ (चर्चा | योगदान) द्वारा परिवर्तित 07:42, 24 मार्च 2019 का अवतरण
चंदावती
हो चंदावती
धुकुर-धुकुर होय लाग जियरा हमार
ओ चंदावती
जामुन औ आम सबै अबकी बौरान हैं
गाँव की बिटेवा सब हुइ गयी जवान हैं
कामे मा लागै ना जियरा हमार
हो चंदावती
जब ते तुम रूठी हम रहि गयेन अकेले
हमरे जिउ के खातिर हैं बड़े झमेले
रोजु राह द्याखति है जियरा हमार
हो चंदावती
अब तौ घर आय जाव दउआ बीमार हैं
मानौ बसि दुइ दिन के अब उइ मेहमान हैं
छिनु-छिनु पै भागै रे जियरा हमार
हो चंदावती
