भारत की संस्कृति के लिए... भाषा की उन्नति के लिए... साहित्य के प्रसार के लिए
गजगामिनि / शास्त्री नित्यगोपाल कटारे
Kavita Kosh से
अनिल जनविजय (चर्चा | योगदान) द्वारा परिवर्तित 00:14, 3 अगस्त 2010 का अवतरण
गच्छसि कुत्र अरी गजगामिनि ।
हँससि किमर्थं त्वं माम दृष्ट्वा,
तिष्ठ क्षणं हे कामिनि ।
मार्गे चलसि सर्वतः पश्यसि,
हे घनविद्युद्दामिनि ।
खण्ड-खण्डितं पण्डित हृदयं
मम मन-अन्तर्यामिनि ।।
गच्छसि कुत्र अरी गजगामिनि ।
स्वात्मानं पश्यन्त्यादर्शे,
लज्जास्मित-गौरांगिनि ।
अधोमुखी विलोकयसि धरणीं,
निजस्वरूप-अभिमानिनि ।।
गच्छसि कुत्र अरी गजगामिनि ।
कथयसि कथं न किं कामयसे,
हे भावी-गृहस्वामिनि ।
शीघ्रं कुरु हर मम परितापं,
कामज्वर-अपहारिणि ।।
गच्छसि कुत्र अरी गजगामिनि ।
हे लघु वस्त्रे हे नयनास्त्रे,
हे मम मनोविलासिनि ।
मा कुरु वक्र-दृष्टि-प्रक्षेपं
भो भो मारुति-वाहिनि ।।
गच्छसि कुत्र अरी गजगामिनि ।
