भारत की संस्कृति के लिए... भाषा की उन्नति के लिए... साहित्य के प्रसार के लिए
छोरी: तीन / मदन गोपाल लढ़ा
Kavita Kosh से
आशिष पुरोहित (चर्चा | योगदान) द्वारा परिवर्तित 17:13, 1 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=मदन गोपाल लढ़ा |संग्रह=म्हारै पांती री चिंतावा…)
बरतण मांजती बगत
छोरी बांचै है
आपरी तकदीर
हाथ री लीकट्यां में
अर सोधै है सपनां
उछाव समेत
सपनै सूं जाग‘र
छोरी भींच लेवै मुट्ठी
अर अमूंझ‘र
धोय न्हाखै हाथ
राख सूं।
छोरी रै अंतस में
एक धुकणो है
जिण रै खारै धुंवै सूं
जूझती छोरी
उडीकै है
मेह नै।
