भारत की संस्कृति के लिए... भाषा की उन्नति के लिए... साहित्य के प्रसार के लिए
डर / रामस्वरूप किसान
Kavita Kosh से
आशिष पुरोहित (चर्चा | योगदान) द्वारा परिवर्तित 16:02, 2 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=रामस्वरूप किसान |संग्रह=आ बैठ बात करां / रामस्व…)
एक दिन
सपनै में
म्हैं मरग्यो
आंगणै बिचाळै पड़ी
म्हारी खोड़ रै च्यांरूमेर
आखौ कडूंबो
माथौ कूटै
घणौ ई डर लागै
पण बैरी सुपनौ
कोनी टूटै
इतराक में
म्हारै जनाजै में
सरीक होवण सारू
जम्योड़ी भीड़ में
एक मांगतोड़ै रो सिर
दिख्यौ म्हनै
अर सपनौ टूटग्यो ।
