भारत की संस्कृति के लिए... भाषा की उन्नति के लिए... साहित्य के प्रसार के लिए
संगत / शिवराज भारतीय
Kavita Kosh से
आशिष पुरोहित (चर्चा | योगदान) द्वारा परिवर्तित 17:35, 6 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=शिवराज भारतीय |संग्रह=उजास रा सुपना / शिवराज भा…)
जलमतो टाबर
जाणै पालर पाणी
मतैई सांचरै
दूजां नै देख‘र
होठां माथै मुळक
जात-बिरादरी
ऊंच-नीच
अमीरी-गरीबी
दुराव-फरेब
सैस्युं
साव अळगो
अपणायत रो
अकूंत खजानो
जिको जाणै
फकत
लाड कोड
मेळ-मिळाप
अर
हेत-प्रीत री भासा
जिण रै
सम्बन्धां री सींव
आभै उड़तै
पंखेरू री दांई
अणमाप
जिण रो
ना‘नो सो काळज्यो
परोटल्यै
आखै धरमां नै
आखी भासावां नै
आखै मुल्कां ने
अनै
आखै जगत नै।
पण जलमतो टाबर
जिंयां-जिंयां
मोटो हुवै
आपां री संगत सूं
स्यात् बिंया-बिंयां
छोटो हुवै।
