भारत की संस्कृति के लिए... भाषा की उन्नति के लिए... साहित्य के प्रसार के लिए
देशबिना / ज्योति जङ्गल
Kavita Kosh से
Sirjanbindu (चर्चा | योगदान) द्वारा परिवर्तित 08:20, 27 जुलाई 2016 का अवतरण (' {{KKGlobal}} {{KKRachna |रचनाकार=ज्योति जङ्गल |अनुवादक= |संग्रह= }} {{K...' के साथ नया पृष्ठ बनाया)
अनावश्यक छौ
नआओ सपना मेरा आँखामा,
दृष्टिहरु
मेरो देशको क्षितिजमा छोडिएका छन्
यहाँ विनादृष्यको म
बेठेगाना मात्र हुँ ।
चुँडिएको छु
म हुर्केको बोट त्यतै छाडेर
पातमाथि राखेर मेरो सत्व
खसें कहाँ त्यसरी
एउटा बूढो पातजस्तो
सम्पूर्ण सन्तुष्टी बोकेर ?
या हरियो जीवन भोगेर ?
वयस्क नमज्जा भोग्छु प्रत्येक स्वासमा
अतित दंशले पाइला पाइला मरेर चल्छु
कयौं वर्ष बिताए पनि
सिमानाबहिरको बिरानो माटोले
मलाई चिन्दैन,
यो आकाशको नीलोसमेत
तीतो लाग्छ
यो शिविरको पानीमा मेरो तिर्खा
सधैं प्यासी छ।
नसता मलाई अपराधी सन्तोष !
म आफ्नै देशमा कैदी हुनु थियो कि भनेर,
धेरै भो
यो शरणको पासोमा
अनस्तित्व हाँसेको परिचय
जरुर लाशसम्म आइपुग्नेछ,
अहिले पनि
म बाँचेकै कहाँ छु र ?
