भारत की संस्कृति के लिए... भाषा की उन्नति के लिए... साहित्य के प्रसार के लिए
यादां रो अड़ावो / कृष्ण वृहस्पति
Kavita Kosh से
आशिष पुरोहित (चर्चा | योगदान) द्वारा परिवर्तित 20:51, 6 जून 2017 का अवतरण ('{{KKGlobal}} {{KKRachna |रचनाकार=कृष्ण वृहस्पति |अनुवादक= |संग्रह= }...' के साथ नया पृष्ठ बनाया)
बरसां सूं
काळजै रो अेक कूणों
छोड़ दियो
थारै नांव माथै अड़ावो
पण तूं फेरूं ई
उग्यावै रोज म्हारै मांय।
लीला मियां फूल
पीळै पत्तां री कीं बे'लां
धोळा-धोळा बूंटा
अर अेक
जामनी रंगों पेड़
जित्ती बर काटूं
बित्ती बर ई उग्यावै
आख्यां रै जंगल मांय।
महरबानी कर
अब तो उगणो बंद करदे
ओ खेत भी अब
अडाणै पड़यों है
म्हारी सांसां री अैवज
अर म्है थकग्यो हूं
यादा रो ब्याज भरतो-भरतो।
