भारत की संस्कृति के लिए... भाषा की उन्नति के लिए... साहित्य के प्रसार के लिए
अफसर शाही / कैलाश झा ‘किंकर’
Kavita Kosh से
Rahul Shivay (चर्चा | योगदान) द्वारा परिवर्तित 22:21, 25 जून 2017 का अवतरण ('{{KKGlobal}} {{KKRachna |रचनाकार=कैलाश झा ‘किंकर’ |अनुवादक= |संग्र...' के साथ नया पृष्ठ बनाया)
अफसर शाही चलबोॅ नै,
ई घोॅर छिकै परिवार छिकै ।
पत्नी पर नै धौंस जमाबोॅ,
कुत्सित ई व्यवहार छिकै ।।
ऑफिस के सब लोग खफा छौं
इहे अफसर शाही सेॅ,
तंग करै छो कैहने तों
अंग्रेजिया नौकर-शाही सेॅ ।
प्रेम-भाव सेॅ काम करो,
ई अप्पन राज्य बिहार छिकै ।
अदब करै छौं डर के मारे
दहशत मेॅ ऑफिस थर-थर,
आब किरानी चपरासी सब
बनलोॅ छौं गेहुँअन-अधसर ।
घुसखोरी केॅ राह छोडि देॅ,
दौलत ई बेकार छिकै ।
तुम-ताम नै करहो केकरो
आदर केॅ सब छै भूखा,
अप्पन बात मनाबै खातिर
नै व्यवहार करोॅ रूखा ।
शोषण केॅ समटोॅ दुकान अब,
अन्तिम ई उपचार छिकै ।
