भारत की संस्कृति के लिए... भाषा की उन्नति के लिए... साहित्य के प्रसार के लिए
रूंख रो अंतस / मधु आचार्य 'आशावादी'
Kavita Kosh से
आशिष पुरोहित (चर्चा | योगदान) द्वारा परिवर्तित 18:43, 27 जून 2017 का अवतरण
ना खावै
ना पीवै
तिरकाळ तावड़ै मांय झुळसै
फेरूं ई नीं कळपै
कोई नीं जाणै उणरी मनगत
किणनै बतावै
किण सूं सुणै
मांय रो मांय बळै
पण करै कांई
रूंख है
लोगां नै खाली देवै
हरियाळी रो लखाव
खुद रै दुख रो
दूजां नै नीं हुवण देवै
अैसास
रूंखड़ा, थनै लुळ-लुळ सलाम।
