भारत की संस्कृति के लिए... भाषा की उन्नति के लिए... साहित्य के प्रसार के लिए
चांदनी / प्राण मोहन 'प्राण'
Kavita Kosh से
Lalit Kumar (चर्चा | योगदान) द्वारा परिवर्तित 13:41, 14 जुलाई 2017 का अवतरण ('{{KKGlobal}} {{KKRachna |रचनाकार=भवप्रीतानन्द ओझा |अनुवादक= |संग्र...' के साथ नया पृष्ठ बनाया)
चाँदनी झूलै छै डारी पर
ऐंगना में घुड़कै छै
देहरी पर बैठली छै
छपरॅ पर लतरली छै
ठाड़ी छै द्वारी पर
चाँदनी झूलै छै डारी पर
चढ़ली छै पहाड़ॅ पर
जंगलॅ में चरै जेना
चितकबरी गाय
खेतॅ में नाच छै
झूमै छै आरी पर
चाँदनी झूलै छै डारी पर
फूल भेंटमासॅ के-
आरो जेना कासॅ के-
छूलो नै जाय
जेना कत्तेॅ अजनासॅ के
दूधॅ रं बरसै छै-
सौंसे संसारी पर
चाँदनी झूलै छै डारी पर
हिन्नेॅ बिथरलॅ छै
हुन्नेॅ छितरलॅ छै
हिन्नेॅ ससरलॅ छै
हुन्नेॅ पसरलॅ छै
पत्ता पर लत्ता पर
फूलॅ पर झारी पर
चाँदनी झूलै छै डारी पर
