भारत की संस्कृति के लिए... भाषा की उन्नति के लिए... साहित्य के प्रसार के लिए
कोॅन चूक भइलै / ब्रह्मदेव कुमार
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:45, 1 मई 2019 का अवतरण ('{{KKGlobal}} {{KKRachna |रचनाकार=ब्रह्मदेव कुमार |अनुवादक= }} {{KKCatAngikaRac...' के साथ नया पृष्ठ बनाया)
कोॅन चूक भइलै हो रामा, बितलोॅ जनमियाँ हो रामा।
आ होॅ रामा, अनपढ़ता के दुख मनोॅ में सालै छै रे की।।
कŸोॅ रे जतन सेॅ पईलाँ, मनुखोॅ के कोखिया हा रामा।
आ होॅ रामा, सेहो रे जनम लागै बेरथ भइलै रे की।।
नाहिं हम्में पढ़लां रे लिखलां, नाहिं हम्मेॅ ज्ञान रे पैलां।
आ हो रामा, अज्ञान के अन्हरिया में कलपै परान रे की।।
सुनै छियै आबी रे गेलै, साक्षरता अभियनमां हो।
आ हो रामा, अनपढ़ लोगोॅ केॅ जें पढ़ाबै छै रे की।।
तेजि देबै आबेॅ जे हम्मेॅ, लाजोॅ रे शरम हो रामा।
आ हो रामा, साक्षरता-केन्द्र के धरबै ठिकान रे की।।
चलूँ सखी, चलूँ गे बहिना, ज्ञान दीप के रोशनी में।
आ हो रामा, ठोरोॅ सेॅ फूटतै आबेॅ मुस्कान रे की।।
