भारत की संस्कृति के लिए... भाषा की उन्नति के लिए... साहित्य के प्रसार के लिए
रचाव / संजय आचार्य वरुण
Kavita Kosh से
आशिष पुरोहित (चर्चा | योगदान) द्वारा परिवर्तित 22:42, 25 फ़रवरी 2015 का अवतरण
कदे कदे
हिलण लाग जावै
म्हारी आस्था री इमारतां
हर उण घटना रै पछै
जकी म्हारै नीं चावतै भी घटी।
म्हारी आस्था
निबळी कोनी
सबळ है
इणी बाबत बा चावै
के बो ई हुवणौ चाहिजै
जकौ बा चावै।
पण हुवै बो ही’ज
जकौ हुवणौ है
अर होणी ने
ना म्है टाळ सकूं
ना म्हारी आस्था
चावै, बा कितरी भी
सबळ क्यूं ना हुवौ।
