भारत की संस्कृति के लिए... भाषा की उन्नति के लिए... साहित्य के प्रसार के लिए
गजल (2) / चन्द्रमणि
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 14:17, 21 मार्च 2015 का अवतरण ('{{KKGlobal}} {{KKRachna |रचनाकार=चन्द्रमणि |संग्रह=रहिजो हमरे गाम...' के साथ नया पृष्ठ बनाया)
अहाँ शहदहिके शशि शीतल
सोहाओन शान्त सुखकारी
मदन मन मारि ने सकता
निरखिते रूप मधुनारी।
पहिल भोरक सुरूज सन लाल
लागय भाल पर बिदिंया
प्रभा पुनमके आननमे
चोरओन चानकेर निनिया
चिहुकि चातक कोनो चितवन
चाहय सान्निधय सुकुमारी।
सुमन तूबय सिंगरहारक
अधर-पट हामसे फूजय
सुधा सन स्वर, सुभाषिनी
जेना प्रभु भासमे पूजय
निशारानी रभसि अयली
लऽ प्रेमक पुष्प भरि थारी।
चलल पनिघटकें कटि घट लऽ
झुनुर झुन पायलक झंकार
अपन चाहककें प्रीतक पान लय
सगरो नगरकें हकार
एहन केर संग जे पाओत
महाभागे वा अवतारी।
मदन मन मारि ने सकता निरखिते
रूप मधु नारी।
