भारत की संस्कृति के लिए... भाषा की उन्नति के लिए... साहित्य के प्रसार के लिए
गा रे गा... / चन्द्रमणि
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 14:22, 21 मार्च 2015 का अवतरण ('{{KKGlobal}} {{KKRachna |रचनाकार=चन्द्रमणि |संग्रह=रहिजो हमरे गाम...' के साथ नया पृष्ठ बनाया)
गा रे गा कोइलिया एहन गीत गा
हम बेपिरीत तों पिरीत सँ जुरा।।
बहुत दिन भेल, पिया गेल परदेश
मारल उमंग धएल, योगिन के भेष
बेबुझ सजन, किछुओ नजि जानय
हमरा सँ बेसी, नोकरिये के मानय
गाबि-गाबि पिया-मन राग उपजा।। हम.....
भार भेल जीवन, जरलाहा जुआनी
दुनिया के लोभी, नजरियाके फानी
हुलसल पसरि गेल, सगरो बसंत
एहनामे दूर कतौ, रहलैये कंत
झूमि-झूमि प्रीत-रीत-रस बरसा।। हम...
तन-मन बेकल ताकि, रहल पहुक संग
सभक अंत छैक हमर, विरहक ने अन्त
मदिरा पिबैत लोक, जेना भसिआय
मोन मधुआयल, बहकि डेग जाय
हमर मनक भाव जाय पीकें सुना।। हम.....
