भारत की संस्कृति के लिए... भाषा की उन्नति के लिए... साहित्य के प्रसार के लिए
उलहनोॅ / नवीन निकुंज
Kavita Kosh से
Rahul Shivay (चर्चा | योगदान) द्वारा परिवर्तित 08:15, 12 अगस्त 2016 का अवतरण ('{{KKGlobal}} {{KKRachna |रचनाकार=नवीन निकुंज |अनुवादक= |संग्रह=जरि...' के साथ नया पृष्ठ बनाया)
आय तोरा मिललौं फुर्सत ?
हेत्तेॅ दिन सेॅ खोज खबर नै
नै एको टा पाती
पुरलोॅ हमरोॅ गत ।
आय तोरा मिललौ फुर्सत ?
बच्चे रं हमरा बहलैलौ
मोॅन मिलाय लेॅ मन सहलैलौ
कहलौ, कल्हे ऐबौं सत
आय तोरा मिललौं फुर्सत ?
सौनें सौसें माह जरैलकै
भादो भी होने तरसैलकै
नै राखलौ तहूँ भी पत
आय तोरा मिललौं फुर्सत ?
धरती सेॅ सूरजोॅ भी दूर
तहियो रोजे मिलन जरूर
प्रेम हुवेॅ तेॅ ई रं सत
आय तोरा मिललौं फुर्सत ?
जों पहाड़ पर घिरलोॅ मेघ
तोरोॅ भी होने छौं स्नेह
ई सोची ही रहलोॅ मत्त
आय तोरा मिललौं फुर्सत ?
