भारत की संस्कृति के लिए... भाषा की उन्नति के लिए... साहित्य के प्रसार के लिए
हमरोॅ माय / अशोक शुभदर्शी
Kavita Kosh से
Rahul Shivay (चर्चा | योगदान) द्वारा परिवर्तित 10:05, 23 जून 2017 का अवतरण ('{{KKGlobal}} {{KKRachna |रचनाकार=अशोक शुभदर्शी |अनुवादक= |संग्रह=ज...' के साथ नया पृष्ठ बनाया)
हमरोॅ माय
लोर छेलै हमरोॅ माय
जबेॅ देखै छियै हम्में काहीं लोर
याद आवै छै हमरा
हमरोॅ माय
ऊ लोरे छेलै एकदम
गरम
तरल
कोमल
पारदर्शी
केकरोॅ भी
छुबी लै वाला
सींचलोॅ गेलोॅ छियै
वहेॅ लोरोॅ सें
कतना दुखोॅ में डूबली छेलै हमरोॅ माय
अपनोॅ दुख
अपनोॅ पड़ोस केॅ दुख
दुखोॅ केॅ मूरत होय गेली छेलै
हमरोॅ माय
हम्में कतनां ऊसर छियै
परती-परांट
कुछ्छु नै उगेॅ पारलै हमरा में
है रंग के बढ़िया सें सींचला के वादोॅ भी
ई एक बड़ोॅ दुख छेलै
हमरोॅ माय केॅ।
