मुक्ति / हरिभक्त कटुवाल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

हरिभक्त कटुवाल » यो जिन्दगी खै के जिन्दगी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

न मैले तिमीलाई लक्ष्मण रेखाले बाँधेको छु
न मैले बाँधिदिँदैमा तिमी बाँधिन्छ्यौ प्रिये !
मन लागेको बेला फड्केर हरेक साँझ
म जस्तै तिमीलाई पनि हिँड्ने रहर होला कता-कता
म त यसबेला खोला जस्तै बगेको छु
त्यसैले कुनै बाँधले तिमीलाई पनि छेक्नु छैन ।

हिजो मलाई कसैले जिउनुको परिभाषा सोध्यो –
मैले थाहा छैन भनिदिएँ ।

हो, म त एउटा परिभाषामा पनि बाँधिन चाहन्न भने
तिमीलाई किन बाँधूँ मेरो चाहनाको घेराले,
सके बरु प्वाँख थपिदिन्थेँ तिमीमा
जताततै उडिहिँड्न आफ्ना इच्छाहरुसित
अब त कता-कता थकाइको अनुभव भइरहेछ आफैँलाई
र बिसाइदिऊँ जस्तो लागिरह्छ जिन्दगी यो ।