भारत की संस्कृति के लिए... भाषा की उन्नति के लिए... साहित्य के प्रसार के लिए
समालोचक / विमल निभा
Kavita Kosh से
Sirjanbindu (चर्चा | योगदान) द्वारा परिवर्तित 08:34, 1 दिसम्बर 2017 का अवतरण ('{{KKGlobal}} {{KKRachna |रचनाकार=विमल निभा |अनुवादक= |संग्रह= }} {{KKCatKavita...' के साथ नया पृष्ठ बनाया)
इलाका प्रहरी घरको
रेकर्ड पुस्तिकामा अङ्कित छ
कविताको परिभाषा
भावनाको आवेगलाई
व्यवस्थाको प्रचलित व्याकरणमा
नियमअनुसार ढालेर
कोमल कोमल पदावलीहरु
रचना गर्नु नै
सर्वोत्तम काव्य हो
हृदयमा लँगौटी कसेर
शब्द–साधना गर्नुपर्छ
अनावश्यक तर्क गर्नुहुन्न
र मस्तिष्कलाई च्यापेर मुठीमा
बेस्सरी
सिर्जनाको जगत्मा
सुस्तरी ओर्लनुपर्छ
यही काव्य–व्यवहार हो
दायाँबाट हिँड
टोपीलाई चिन
शान्तिको पाठ पढ
र स्वागतका लागि एक पङ्क्तिमा
शिर निहुराएर उभिऊ
सर्व कर्म सिलसिलाबद्ध रुपले गर
अनि कलम समाऊ
प्रिय कविज्यूहरु
तर आजका कविहरु
किन पटक पटक
काव्यानुशासनको उल्लङ्घन गर्छन् ?
ठानाका पुलिस इन्सपेक्टर साहेब
आश्चर्यचकित छन्
र अत्याधिक क्रुद्ध पनि
