भारत की संस्कृति के लिए... भाषा की उन्नति के लिए... साहित्य के प्रसार के लिए
बग्वाळ / सुन्दर नौटियाल
Kavita Kosh से
Abhishek Amber (चर्चा | योगदान) द्वारा परिवर्तित 14:49, 12 मार्च 2018 का अवतरण ('{{KKGlobal}} {{KKRachna |रचनाकार=सुन्दर नौटियाल }} {{KKCatGadhwaliRachna}} <poem> ऐंसू...' के साथ नया पृष्ठ बनाया)
ऐंसू बग्वाळी मा घर आवा दौं |
घर कुड़ी गौओं सजावा दौं |
भैलू छुलुकों का उजाळा अब छोड़ीली हमुन,
गौं गळौं सि भी नातू तोड़ीली तुमुन |
दिवा लड़ियों सि गौं सजावा दौं |
ऐंसू बग्वाळी मा घर आवा दौं |
दाळ घौत जब बोयी ही नी त होणी कखन ?
तौ त्य्वारू मा लैंदी घर मा रौणी कखन ?
खोया-मेवा कि मिठाई खिलावा दौं |
ऐंसू बग्वाळी मा घर आवा दौं |
परदेसू मा किराया का कुड़ा सजै हमुन,
रंग बानिश, झाड़ू-पोचा करै हमुन |
गौं कुड़ी का जाळा हटावा दौं |
ऐंसू बग्वाळी मा घर आवा दौं |
दुरु देशु मा घर कुड़ी बसै नि हमुन,
गैर-पराया भी गळा-जिकुड़ा लगैन हमुन |
गौं का अपड़ों अंग्वाल लगावा दौं |
ऐंसू बग्वाळी मा घर आवा दौं |
