भारत की संस्कृति के लिए... भाषा की उन्नति के लिए... साहित्य के प्रसार के लिए
सागी सियाळिया / मोनिका गौड़
Kavita Kosh से
आशिष पुरोहित (चर्चा | योगदान) द्वारा परिवर्तित 18:32, 8 अप्रैल 2018 का अवतरण ('{{KKGlobal}} {{KKRachna |रचनाकार=मोनिका गौड़ |अनुवादक= |संग्रह=अं...' के साथ नया पृष्ठ बनाया)
रूळ रह्यो है पगां में
आवता-जावता ठोकर सूं गुड़ाय देवै
आपरी मरजी मुजब
आप-आपरै वाजिब कारणां साथै
कदैई कोई पाटी-पोळी कर देवै
पावै दो घूंट पाणी रा
इत्तै में ई गोधम घालता गोधा
फेरूं रडफ़ड़ा देवै पाछो उणनैं
लीरा-लीर गाभां में लाज बचावण सारू
भटक रैयो है दरूजै-दरूजै
पण बार-बार हर दरवाजै सूं
गाभा बदळ्यां साम्हीं आवै
सागी सियाळिया
बावड़ै पाछो किरच-किरच होय’र
आस रै साथै भूंवीज रैयो है
साल-दर-साल, पांच साल, सित्तर साल
बापड़ो लोकतंत्र।
