महिमा महान / ब्रह्मदेव कुमार

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ब्रह्मदेव कुमार »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

सबके पढ़ै-लिखै रोॅ, सपना भेलै साकार हो।
धन्य साक्षरता अभियान के, गुण छै अपार हो।।

घर-घर पढ़ाबै के योजना, करलकै तैयार हो।
अनपढ़, गरीब, लोग सब, करै जय-जयकार हो।।

गईया-भैंसिया जे चराबै, मजदूरी सेॅ जें कमाबै।
सब पढ़ी-लिखी हो भैया, बनतै होशियार हो।।

पढ़लोॅ-लिखलोॅ छै जे किसान, खेती सें भी पाबै छै मान।
पढ़ी-लिखी जों खेती करतै, भरतै घर-भंडार हो।।

पिया जे परदेश बसै छै, लिखी-लिखी पाती भेजै छै।
पढ़ी-पढ़ी मनमां मोरा, पाबै प्रीत अपार हो।।

सरकारें चलैये जे देलकै, साक्षरता अभियान हो।
धन्य-धन्य ई अभियानोॅ के, महिमा महान् हो।।