प्रकृतिको काखमाथि / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » थुँगा : वनफूलका »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

प्रकृतिको काखमाथि बालापनको झल्को
याद सधैँ आइरहने उमेर भने ढल्क्यो
 
सङ्गिनीको साथसाथै वनपाखा घुमी
बित्यो बालापन पनि यौवनले चुमी
काफल टिप्दै थाकी वनमा पानी पिउँथ्यौँ मूलको
याद सधैँ आइरहने उमेर भने ढल्क्यो
 
ऐँसेलुको घारीघारी चहारेर सारा
पहाडको माथिमाथि पुग्थ्यौँ टाढाटाढा
डराएर दौडी आउँदा पसिनाको खल्को
याद सधैँ आइरहने उमेर भने ढल्क्यो
 
गाउँदै गीत साथी सङ्गी अल्लारेको पन
साँझ बिहान थर्काउँथ्यौँ आफ्नै रनवन
कसरी हो आगोसरि यो जवानी सल्क्यो
याद सधैँ आइरहने उमेर भने ढल्क्यो