बचेराहरूको एउटा रात / नोरेम

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

नोरेम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

आज रात
रातभर गुँडमा बचेराहरू
चिरबिर चिरबिर कराइरहे
अरूदिन भन्दा फरक
भयमिश्रित स्वरमा
बचेराहरू रातभर छट्पटाइरहे
 
तर्कनाहरूमा अल्झिएर
छर्लङ्गै काटेको रात
बिहान सबेरै
हतार हतार दौडिए गुँडमा
मेरा अनिदा आँखाहरू
 
गुड, माउ र बचेराहरू
हाँगा हाँगामा
तिनका रमाइला दिनचर्याहरू
जो देख्थे- देखिन मैले
 
माउले बनाएको
एउटा सुरक्षा घेरा
संवादका अनेक चिरबिरहरू
गुड वरिपरिको
एउटा बेग्लै जीवन्तता
आज बिहान देखिन मैले
 
हिजो साँझ
अचानक गर्जेको आकाश
अकस्मातको असिना पानी
एउटा अनिष्ट आशंकाले
म निथ्रुक्क भिजेँ
 
गुँड नफर्केको माउ
बचेराहरूको विरक्त चिरीबिरी
एउटा भयावह सपनामा
भुर्र उड्दै
गुँडमा बसेर
म आफैँ बचेराहरूसँगै
चिर्बिराउन थालेँ ।