भारत की संस्कृति के लिए... भाषा की उन्नति के लिए... साहित्य के प्रसार के लिए
तिमी / भीष्म उप्रेती
Kavita Kosh से
Sirjanbindu (चर्चा | योगदान) द्वारा परिवर्तित 10:35, 14 जून 2020 का अवतरण ('{{KKGlobal}} {{KKRachna |रचनाकार= भीष्म उप्रेती |अनुवादक= |संग्रह= }}...' के साथ नया पृष्ठ बनाया)
म यहीँ छु
तर तिमी छैनौ ।
मैले निरन्तर माया गरेको
अगाध श्रद्धा गरेको
अनन्त तपस्या गरेको
तिमी,
मेरो स्वतन्त्रता
मेरो लक्ष्य
मेरो गन्तव्य
मेरो प्रतिबद्धता ।
म भने छु
तर तिमी छैनौ ।
तिमी बिना म कसरी छु ?
कसरी पूर्ण छु ?
कसरी ज्योतिर्मय छु ?
म पूर्ण हुन चाहन्छु
ज्योर्तिमय हुन चाहन्छु ।
म उठ्छु
अघि बढ्छु
लड्छु अवरोधहरूसँग
म
तिमी सहितको भइछाड्ने छु ।
