भारत की संस्कृति के लिए... भाषा की उन्नति के लिए... साहित्य के प्रसार के लिए
प्रतिक्रिया / दीप नारायण
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:47, 12 फ़रवरी 2021 का अवतरण ('{{KKGlobal}} {{KKRachna |रचनाकार=दीप नारायण |अनुवादक= |संग्रह= }} {{KKCatMai...' के साथ नया पृष्ठ बनाया)
जानि ने किए
खौंझा गेलियैक
किएक भ' गेलियैक
बेकाबू
कहैत गेलियैक
छूटल-छूटल बात
दैत गेलियैक उपराग
ने कोनो भाषा छोड़लियैक
ने कोनो दशा
ओहो कहि सकैत छली बात
मानि सकैत छली रोख
द' सकैत छली उपराग
मुदा,
आँखिमे नोर नुकबैत
प्रतिक्रिया स्वरूप
हमर बातक उतारामे
भाड़ी स्वरे
एतबे बजली
'रातिसँ उपासल छी अहाँ
खायक बेओंत केलहुँ अछि
भोजन क' लीय
निर्वाक/निःशब्द, ठाकुआयल
हम सोंचैत रहलहुँ अनन्त मे
आ कलेमचे खाइत रहलहुँ
तीमन-सोहारी आ हरियर मेरचाइ ।
