भारत की संस्कृति के लिए... भाषा की उन्नति के लिए... साहित्य के प्रसार के लिए
मरकट बरघैं / त्रिलोकीनाथ दिवाकर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:16, 18 नवम्बर 2021 का अवतरण ('{{KKGlobal}} {{KKRachna |रचनाकार=त्रिलोकीनाथ दिवाकर |अनुवादक= |संग...' के साथ नया पृष्ठ बनाया)
देखै में लागै छै मरकट बरघैं
भुंजा खाय छै धरपट बरघैं
नै खाय छै फोल फलेरी
पैसा बचाय में छै हरकट बरघैं
देखै में लागै मरकट बरघैं।
अछैतें अनाज नै खैभैं तोंय
पानी पीवी के सहभै तोंय
सुम्हौं के ओन सूंड़ा के भागें
फोकै ल‘ मारै छैै दरबट बरघैं
देखै में लागै मरकट बरघैं।
मेला-ठेला में घूमी-घमी
सामान देखै छै छूबी-छूबी
मिठाय के भाव पूछने बढ़लै
खायो ले करै छै छटपट बरघैं
देखै में लागै मरकट बरघैं।
पौर सिलैलें एगो अंगा
नै बचलो छौ वाहो चंगा
मैल आरो मांटी से भरलो
लागौ एकदम खरकट बरघैं
देखै में लागै मरकट बरघैं।
कहाँ से मिलतौ देही में ताकत
छोड़भें नै जों आपनों आदत
कुच्छू पैसा बचैनें छेल्है
भेलो बेमारी में परपट बरघैं
देखै में लागै मरकट बरघैं।
