भारत की संस्कृति के लिए... भाषा की उन्नति के लिए... साहित्य के प्रसार के लिए
પાંજો કચ્છ / વસંત જોષી
Kavita Kosh से
Neeraj Daiya (चर्चा | योगदान) द्वारा परिवर्तित 11:42, 14 अगस्त 2023 का अवतरण ('{{KKGlobal}} {{KKRachna |रचनाकार= વસંત જોષી |अनुवादक= |संग्रह= }} {{KKCatGujar...' के साथ नया पृष्ठ बनाया)
પાંજો કચ્છ
જાણું છું આ માટીને
નથી કરાળ
નથી રેતાળ
મુઠ્ઠીમાંથી સમય સરે
તેટલી ધીમી ગતિ
તેની મહેકવાની
શાંત
મંથર
તિરાડો પડતી નથી દુષ્કાળગ્રસ્ત ચ્હેરા પર
લથબથ દેહ
નીતરે બાવળની આડમાં
સળવળતું રહે
ભીનું હાસ્ય
ઓળખું છું
આ માટીને
નથી કસદાર
કદાવર કાયા
પાણીદાર આંખ પાછળ
મલકે રાત ગુલાબી
આંગળાથી ખોતારાય નહીં બારીક પદ
પોત પાતળું નથી તિરાડોનું
રણ અને દરિયો
મુઠ્ઠીભર મોજાં
સૂંઘતાં સીધી જ
ઊતરી જાય
આ માટી
સ્પર્શતા ભીતર સરકે
તળિયે મોતી
ચાખી છે
આ માટી
સળગી ઊઠતી આગમાં
ભૂખ શેકીને ખાધી છે
ખિલખિલાટ હાસ્ય સાથે
રણઝણી ઊઠે છે
આ માટી
ક્યારેકના વરસાદથી
તો
ક્યારેક
મારા સ્પર્શથી