अध्यात्मयात्रा / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » इत्थंविध चित्र : इत्थंविध कविता »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

फर्किन्छु,
बाँच्न खोज्दाखोज्दै
आफैँलाई हराउँदै पुगेको
अनेकौँ गन्जागोलको अनकन्टारबाट ।

फर्किन्छु अब म आफैँतिर
प्राप्ति भनिठानेको तृष्णाहरूको खातबाट
आफूभन्दा परका स्वभावहरूबाट
आफू भनिठानेको कृत्रिम आफूबाट ।

देखिरहेछु अर्धमूदित आफ्नै आँखाभित्र
प्रज्ज्वलित आफ्नो अन्तर्यलाई
देखिरहेछु, आफूबाहिरको सृष्टिभन्दा विशाल
आफैँभित्रको वृहद् फैलाहट
देखिरहेछु अपरिमेय
आफ्नै अस्तित्वको आधार ।

फर्किन्छु,
फर्किन्छु अब म आफैँतिर ।