एैँठनमा जिन्दगी / रमेश क्षितिज

कहाँनेर गल्ती थियो मैले जीउने संसारमा
लुके सबै जूनघाम हिँड्दै छु म अँध्यारोमा

समयले मलाई यस्तो कुन मोडमा ल्यायो
छैन बाटो फर्कू भने हिडूँ भीर आयो
कोही छैन बिन्ती सुन्ने वारिपारि पखेरो छ
ऐँठनमा जिन्दगी छ बाटो पनि अप्ठेरो छ

झुक्याउँछ भाग्य पनि मलाई घात गर्छ
जहाँ बास पाउँदिन त्यहीँ रात पर्छ
रित्तिनुछ धेरैधेरै अझै मैले एक्लिनु छ
भित्र कहीँ आगो बोकी दिनदिनै सल्किनु छ