भारत की संस्कृति के लिए... भाषा की उन्नति के लिए... साहित्य के प्रसार के लिए
चैती रार / मुनेश्वर ‘शमन’
Kavita Kosh से
अँखियन में बसल खुमार।
पिया अभियो नञ अइलन।
चेता मचावय सखि रार।
पिया अभियो नञ अइलन।
सुने अँगनमा में चाननी गोरी।
घर-पिछूअड़वो निबुआ निगोड़ी।
मारय नित ताना हजार।
पिया अभियो नञ अइलन।
बउरल बगिये नियर बउरल देहिया।
गदरल जुआनी पर सोभय बिंदिया।
पायलिया करऽ हइ पुकार।
पिया अभियो नञ अइलन।
आसा-अधूरा सपनमा हल साजल।
रह गेलय मोरा मनवाँ पियासल।
माँगय ई अब रसधार।
पिया अभियो नञ अइलन।
