भारत की संस्कृति के लिए... भाषा की उन्नति के लिए... साहित्य के प्रसार के लिए
तोहरोॅ घोॅर / अमरेन्द्र
Kavita Kosh से
केहनोॅ तोरोॅ ई घर छौ
मच्छर छौ भाय, मच्छर छौ ।
की सिखलेॅ छैं धंधा तोंय
नाली रखभैं गंदा तोंय
दलदल ऐंगनोॅ-बाहर छौ
मच्छर छौ भाय, मच्छर छौ ।
साफ-सुफय्यत रहलोॅ कर
मसहारी में सुतलोॅ कर
रक्षा लेॅ ई मन्तर छौ
मच्छर छौ भाय, मच्छर छौ ।
गंदा तोरोॅ गली-सड़क
डी. डी. टी. के दवा छिड़क
यहाँ मलेरिया के डर छौ
मच्छर छौ भाय, मच्छर छौ ।
